გასული წლის 19 დეკემბერს, კოვიდპანდემიის დროს სტატუსშეჩერებული სტუდენტების პრობლემების დარეგულირების მიზნით, პროგრესის ცენტრმა პარლამენტის განათლების კომიტეტს საკანონმდებლო წინადადებით მივმართეთ.
დღეს ამ თემაზე საფინანსო-საბიუჯეტო კომიტეტის თავმჯდომარის მოადგილეს ირაკლი ზარქუას და განათლების, მეცნიერებისა და კულტურის კომიტეტის თავმჯდომარის პირველ მოადგილეს შალვა პაპუაშვილს პროგრესის ცენტრის წარმომადგენლები შევხვდით. ჩვენთვის მნიშვნელოვანია ნებისმიერი ასპარეზის გამოყენება სწავლას მოწყვეტილი სტუდენტების დასახმარებლად.
